Гэрээнд нэмэлт, өөрчлөлт оруулах гэрээ
Байгууллагын баримт бичиг
Аль ч төрлийн өмнө байгуулсан гэрээний заалтыг өөрчлөх, шинэ заалт нэмэхэд зориулсан ерөнхий загвар. Үндсэн гэрээний нэр, дугаар, огноо, өөрчлөх заалтын хуучин ба шинэ найруулгыг хүснэгтээр тусгаж, бусад нөхцөл хэвээр байх, Үндсэн гэрээний салшгүй хэсэг болохыг Иргэний хуульд нийцүүлэн тогтооно.
Талбаруудыг онлайнаар бөглөж, нөгөө талдаа илгээнэ. Талууд баталсны дараа тоон гарын үсгээр зурж баталгаажуулна.
Гэрээний бүтэц, заалтууд
5 бүлэг, 18 заалт. «____» — гэрээ үүсгэхдээ бөглөх талбар.
- Нэг талаас ____ (регистр: ____, хаяг: ____) (цаашид "Тал 1" гэх)-ыг төлөөлж ____ ____, нөгөө талаас ____ (регистр: ____, хаяг: ____) (цаашид "Тал 2" гэх)-ыг төлөөлж ____ ____ нар (цаашид хамтад нь "Талууд" гэх) ____-ны өдөр байгуулсан ____ дугаартай "____" (цаашид "Үндсэн гэрээ" гэх)-нд Монгол Улсын Иргэний хуулийн 189.1-д заасан гэрээний чөлөөт байдлын зарчмыг баримтлан, харилцан тохиролцсоны үндсэн дээр нэмэлт, өөрчлөлт оруулах тухай энэхүү гэрээ (цаашид "Энэхүү гэрээ" гэх)-г байгуулав.
Нэг.Ерөнхий зүйл
- Энэхүү гэрээгээр Үндсэн гэрээний заалтуудыг энэхүү гэрээний 2 дугаар бүлэгт заасны дагуу өөрчлөн найруулж, шаардлагатай бол энэхүү гэрээний 3 дугаар бүлэгт заасан заалтыг Үндсэн гэрээнд нэмж оруулна.
- Нэмэлт, өөрчлөлт оруулах үндэслэл: ____
Хоёр.Өөрчлөн найруулах заалтууд
- Үндсэн гэрээний доорх заалтуудыг дараах байдлаар өөрчлөн найруулав: № | Заалтын дугаар | Хуучин найруулга | Шинэ найруулга; 1 | ____ | ____ | ____; 2 | ____ | ____ | ____; 3 | ____ | ____ | ____; 4 | ____ | ____ | ____
- Энэхүү гэрээ хүчин төгөлдөр болсноор хүснэгтэд заасан заалтын хуучин найруулга хүчингүй болж, шинэ найруулга үйлчилнэ. Шинэ найруулгын нүдэнд "Хасав" гэж тэмдэглэсэн заалтыг Үндсэн гэрээнээс хасна.
Гурав.Нэмж оруулах заалт
- Үндсэн гэрээнд ____ болгон дараах заалтыг нэмж оруулав: ____
Дөрөв.Үндсэн гэрээтэй харилцах харилцаа
- Энэхүү гэрээгээр өөрчлөөгүй Үндсэн гэрээний бусад бүх заалт хэвээр хүчин төгөлдөр үйлчилж, Талууд түүгээр хүлээсэн үүргээ үргэлжлүүлэн биелүүлнэ.
- Энэхүү гэрээ нь Үндсэн гэрээний салшгүй хэсэг бөгөөд Үндсэн гэрээтэй хамт хэрэглэгдэнэ. Энэхүү гэрээ болон Үндсэн гэрээний заалт хоорондоо зөрчилдвөл энэхүү гэрээг баримтална.
Тав.Бусад
- Энэхүү гэрээ Талууд гарын үсэг зурснаар хүчин төгөлдөр болно. Энэхүү гэрээгээр оруулсан нэмэлт, өөрчлөлтийг хэрэглэж эхлэх хугацаа: ____ Тодорхой өдрөөс хэрэглэх бол: ____-ны өдрөөс. Хэрэглэж эхлэх өдөр нь энэхүү гэрээ хүчин төгөлдөр болохоос өмнөх өдөр байвал нэмэлт, өөрчлөлт нь зөвхөн Талуудын хоорондын харилцаанд үйлчлэх бөгөөд гуравдагч этгээдийн эрх, хуулиар хүлээсэн үүрэгт (татвар, улсын бүртгэл г.м) нөлөөлөхгүй, тухайн хугацаанд аль нэг талын үүргийг зөрчсөнд тооцох үндэслэл болохгүй.
- Талууд энэхүү гэрээнд тусгай зөвшөөрөл бүхий байгууллагаас олгосон хүчин төгөлдөр гэрчилгээ бүхий тоон гарын үсгээр (хуулийн этгээдийн хувьд мөн цахим тамгаар) гарын үсэг зурсан бөгөөд Цахим гарын үсгийн тухай хуулийн 6.3-т заасны дагуу тоон гарын үсэг нь бичмэл гарын үсэгтэй адил хүчинтэй. Тоон гарын үсгийн шаардлагыг хангаагүй энгийн цахим тэмдэглэгээ (гарын үсгийн зураг, скан хуулбар, товч дарах г.м.) энэ заалтад хамаарахгүй.
Энэхүү загвар нь ерөнхий мэдээллийн зорилготой бөгөөд хуулийн зөвлөгөө биш. Гэрээ байгуулахын өмнө нөхцөлүүдийг өөрийн нөхцөл байдалд тохируулж, шаардлагатай бол хуульчаар хянуулна уу.